உழைப்பாளிகள் தினம் - ௨௦௧௪

உடலில் வியர்வை துளிகள்
கரத்தில் இரத்த துளிகள்

காப்பு காய்த்த கரங்கள்
தேய்ந்து போன கால்கள்

உழைப்பிற்கு கூலியா
இல்லை,
குடும்பத்தினரின் பசி தீரவே
கூலி...

பேரம் பேசும் நேரம் கடந்துவிட்டது
பசிக்கும் நேரம் வந்துவிட்டது
உழைப்பிற்கு கொடு என்ற உரிமையை விட்டு
கொடுத்தால் போதும் என்ற மனதின் நிலை,
பசியை அடக்கிக்கொண்டு கையேந்துகிறது

மிடுக்கான தோற்றம் மறைந்து
உழைத்து ஒடிந்து போன தேகத்தோடு
உழைப்பிற்கு ஏற்ற கூலியில்லாமல்
அழுக்கான ஆடைகளோடு
மே தினத்திலும் உழைக்கிறார்கள்
உழைப்பாளிகள்.......

உழைப்பாளிகள் தினவாழ்த்துகள்