நீங்கா நினைவுகள்

உன்னுடன்

கண்ணாம்பூச்சி ஆடிய இரவுகள்,
கூட்டாஞ்சோறு சமைத்த பகல்கள்,
கைகோர்த்து நடந்த மாலை நேரங்கள்,
மிதிவண்டி கற்றுக்கொண்ட பொழுதுகள்,
மணல்வீடு கட்டிய கடற்கரைகள்,
ஒன்றாக படித்து ஒப்பித்த காலை விடியல்கள்,
பக்கத்து வீட்டு தொலைக்காட்சி பொழுதுபோக்குகள்,
பரிமாறிக்கொண்ட உணவு சுவைகள்,
காய்ச்சலில் படுத்த துயர நாட்கள்,


இவையனைத்தும்
கற்பனைக்கு எட்டாத நிஜங்கள்,
என்றும் நீங்கா நினைவுகள்!