என் உயிரின் ஓசை

நான் எழுவேன், நான் எழுவேன் 

என் உயிரின் ஓசை, நான் எழுவேன்

வருத்தம் வந்து நெஞ்சை நெரித்தாலும் 

துன்பம் வந்து பாதையை மறைத்தாலும் 

ஏமாற்றம் வந்து கனவுகளை சிதைத்தாலும் 

நான் எழுவேன், நான் எழுவேன்

காயம் வந்து உடலை வலித்தாலும் 

துரோகம் வந்து நம்பிக்கையை உடைத்தாலும் 

இனம் மறைத்து அடையாளம் அழித்தாலும் 

மொழி அடக்கி குரலை மறைத்தாலும் 

நான் எழுவேன், நான் எழுவேன்

தேர்தல் எனும் கானல் நீர்

ஏக்கம் 
விரலில் நீலம் பட்டு,
மாற்றம் பிறக்கும் 

பூத்த மலர் போல் 

நம்பிக்கை 
சின்ன காகித துண்டு 
வெளிச்சம் தரும் 

இருட்டறையில் 

எண்ணம் 
பல கைகள் இணைந்து 
நாடு மாறும் 

ஒரு ஒட்டு மட்டும் 

ஏமாற்றம் 
ஐந்தாண்டுத் தூக்கம்!
விழித்துக் கொண்டது
வாக்குப்பெட்டி!

சுயநலம் அறியாமை
விலைபோனது ஓட்டு!
விலைவாசி உயர்வில்
அழுகிறான் ஏழை!

அறியா'மை'
கைதட்டித் தேர்ந்தெடுத்தான்!
கடைசியில் எஞ்சியது
வெறும் விரல் மை!

நம்ம ஊரு நிலை

 தக தக தகவென தாளம் போடு - மக்கள்

சக்தியைப் பார்த்து நீ மேளம் போடு!

பச்சைத் துண்டைக் கட்டியவன் மேல - ஏய்

குண்டாஸ் போட்டவன் ஆட்சியைப் பாரு!

விவசாயி மேல குண்டாஸ் சட்டம்

விடியல்னு சொன்னது வெறும் நாடகம்!

தூய்மைப் பணியாளர் பணி நிரந்தரம் - அது

காற்றில் பறந்த வெறும் காகிதம்!

டாஸ்மாக்கில் பத்து ரூபாய் கூடுதல் - ஏய்

நித்தம் குடிமகன் நெஞ்சில் ஏமாற்றம்!

செவிலியர் கண்ணீரில் தேசமே வாடுது

அரசியல் கொலைகளோ நடக்குது!

கச்சத்தீவு மீட்கணும்னு கத்தினோமே - அந்தத்

தீவை மீட்க வழியைக் காணோமே!

சொன்னதைச் செய்யல... உண்மையைச் சொல்லல!

கேள்வி கேட்டா சிறைச்சாலை... இதுதான் நம்ம ஊரு நிலை!

விழித்துக் கொள் தமிழா!

 எழுந்து வா... நிமிர்ந்து வா!

ஏமாற்றும் கூட்டம் இங்கே, விழித்து வா!

கேள்வி கேள்... உரிமை கேள்!

பொய் வாக்குக் கோட்டையைத் தகர்த்து வா!

ஏய்... தேர்தல் வருது, தேன் ஒழுகுது

வாக்குறுதி எல்லாம் காற்றில் பறக்குது!

கையெழுத்து முதல் கையெழுத்து - அந்த

நீட் விலக்கு மசோதா என்னாச்சு? பதில் சொல்லு!

பழைய பென்ஷன்... பழங்கதை ஆச்சு!

புதிய பிளான் போட்டுப் புழுதி பறக்குது!

கேஸ் சிலிண்டர் மானியம் எங்கே?

கல்விக்கடன் ரத்து அறிவிப்பு எங்கே?

வரியை ஏத்தி, விலையை ஏத்தி

ஏழை வயித்துல எரியுது தீ!

இது புரட்சிப் பாட்டு, இது மக்களோட வேட்டு

கேள்வி கேக்காம விடமாட்டோம் நாட்டுல!

விரலிலே மை... மனதிலே தீ!

மாற்றத்தைத் தேடு... உண்மையை நாடு!

விழித்துக் கொள் தமிழா!

காப்பு

பட்டுப்போன ஒற்றை குச்சியை
உயிர்ப்பிக்க எத்தனிக்கும் கருமேகம்
விட்டுச்செல்லும் மழைத்துளிகளோடு
காத்திருந்த தருணம்,
கரு மேகம்,
பச்சை இலைகளை ஞாபகப்படுத்தும்
இயற்கையின்
புரட்சி தருணம்

==========================

தன்னை நோக்கி பாய்ந்த நீராவிகளை,
தடுத்து துளிகளாய்
ஜனித்து,
தொகுத்து
குவித்து
குளிர்வித்து
மண்ணிற்கு ஆதாரமான மழையை
வழங்கும் முன்,
மரணித்த கொம்பிற்கு
இறுதி சடங்காக
இந்த அலங்காரமோ!!!

வெல்லும் பணநாயகம்

தன்னை அகலப்படுத்திக்கொள்ள

குடிசைகளை அகற்றிவிட்டு,
கம்பீரமாகவும்,
விசாலமாகவும்,

அடுக்ககங்கள் உள்ள இடத்தில்,
வளைந்தும்,
குறுகியும்,

பயணிக்கின்றன
சாலைகள்!!!!

சாமானியனே சாமானியனே

சாமானியனே சாமானியனே,
சகித்துத்தகொள் சாமானியனே,
ஊருக்கு மட்டும் உபதேசம் சாமானியனே,
உனக்கு இல்லை கோவனம் சாமானியனே,
மாடகோபுரம் தலைவனுக்கு சாமானியனே,
உன் குடிசை வீடு எரியும் சாமானியனே,
மானம் மரியாதை தலைவனுக்கில்லை சாமானியனே,
உனக்கு மானம் பெருசு என்பார் சாமானியனே,
ஊழலில் திலைத்திருப்பார் சாமானியனே,
உன் மேல் வரி திணித்து நாட்டுப்பற்று என்பார் சாமானியனே,
வானம் பறப்பார் தலைவர் சாமானியனே,
சாலையில் நீ செல்ல சுங்கம் வசூலிப்பர் சாமானியனே,
நாட்டுப்பற்று பேசுவார் சாமானியனே,
நாடு உனக்கில்லை அடிப்பார் சாமானியனே,
மத வெறி ஏற்றுவார் சாமானியனே,
மனிதம் தான் என முழங்குவார் சாமானியனே,

மேல் மட்ட தலைவர்கள் கை குலுக்க சாமானியனே,
நீ மோதிக்கொண்டு வீழ்கிறாயே சாமானியனே,
அரசியல்வியாதிகளை நம்பாதே சாமானியனே,
அவர்களுக்காக வரிந்துகட்டாதே சாமானியனே!!!!!!!!!!!!!!

மனசு கேட்கவில்லை சாமானியனே,
அடிமைகளில் நானும் ஒருவனே சாமானியனே,

வாழ்க்கை ஒருமுறை சாமானியனே,
அதில் மனிதம் காப்போம் சாமானியனே!!!

காந்தியின் குரங்குகளாய் இருக்காதே சாமானியனே!!!!!!!
உன் தலைவன் சொல், கடவுளினின் சொல் இல்லை சாமானியனே!!!

மாற்றம் வேண்டாமா? சிந்திப்போம்...[படித்தது]

இன்றைய தமிழகத்தின் அவல நிலை.

முடி வெட்டும் கடை மற்றும் சாப்பாட்டு கடைகளிலும் நேபாளி வேலை செய்கிறான்.

வட்டிக்கடையை சேட்டு நடத்துகிறான்.

பட்டுசேலை நெய்வதில் சவுராஸ்ட்ரா இருக்கிறான்.

டீக்கடைகளை மலையாளி வைத்திருக்கிறான்.

நெடுஞ்சாலை வரி வட இந்தியர்களால் வசூலிக்கப்படுகிறது.

துணிக்கடைகளில் வெளிநாட்டு நிறுவனங்கள் பிழைக்கிறது.

பல்பொருள் அங்காடிகளும் மற்ற மாநிலத்தவரே வைத்திருக்கிறார்கள்.

நமது ஊர் விழாக்களில் கேரளா மேளம் ஒலிக்கிறது.

தமிழக திரைத்துறை மற்ற மாநிலத்தவரின் ஆதிக்கத்தில் இருக்கிறது. தமிழ்நாட்டில் மட்டும்தான் தென்னிந்திய திரைப்படச் சங்கம். மற்ற மாநிலத்தவர் யாரும் இதுபோல் பெயர் வைக்கவில்லை.

இவர்கள் எல்லோரும் பிழைப்பது தமிழ்நாட்டில்தான். ஆனால் தமிழனுக்கு மட்டும் வேலையில்லை.

எனக்கு தெரிந்து நாம் விவசாய தொழிலை மட்டும்தான் இன்றுவரை மற்றவர்கள் ஆதிக்கத்தில் விடாமல் செய்து வருகிறோம்.

அதையும் சாய்க்கும் முயற்சிகள்தான் காவிரி, பெரியாறு மற்றும் பாலாறு பிரச்சினை; போதிய மின்சாரம் இன்மை; அளவுக்கு மீறி மணல் எடுத்தல்; இரசாயன உரம் மற்றும் பூச்சி மருந்து இடுதலை ஊக்குவித்தல்; இரசாயன ஆலைகளை திறத்தல்; சாதி வன்மத்தை தூண்டுதல்; ஏதும் போதுமான அளவிற்கு வெற்றிபெறவில்லை. ஆதலால் கடைசியாக மீத்தேன் திட்டம்.

இதற்கெல்லாம் காரணம் தமிழன் அல்லாதவர்கள் தமிழக கட்சிகளின் தலைமையாக இருப்பதுதான். சிந்தனை செய் மனமே!

இந்த திராவிட ஆட்சியாளர்கள்..

ஐம்பது ஆண்டுகாலம் இந்த மண்ணை ஆண்ட இந்த மாமனிதர்கள்..

இவர்கள் தமிழர்கள் இல்லையென்று முடிவுக்கு வந்ததும்..
தமிழ்மண்ணை தமிழர்களே ஆள வேண்டும் என்ற முடிவும் ஒரே நாளில் எடுத்துவிடவில்லை..

ஆந்திராவை ஆந்திரர்களும்,
கர்நாடாகவை கன்னடர்களும்,
கேரளாவை மளையாளிகளும் இன்னும் அந்தந்த மாநிலங்களில் அந்தந்த மண்ணின் மைந்தர்களே ஆட்சி செலுத்திகொண்டும்,

அரபு நாடுகளின் அந்த மண்ணின் மைந்தனே அரசனாகவும் அந்நியன் ஒருபிடி மண்ணை கூட விலைக்கு வாங்க முடியாத நிலையிலும்..

இங்கிலாந்து மன்னராக இந்த நொடி வரை  இங்கிலாந்து மண்ணின் மகனே தொடரும் நிலையிலும்..

நாங்கள் எங்கள் மண்ணை இங்கு வாழும் யாரும் ஆளலாம்..
யாதும் ஊரே யாவரும் கேளிர் என்ற தமிழின் தொன்தத்துவத்தின்படி வந்தாரையெல்லாம் வாழவைத்ததோடு நிற்காமல் ஆளவும் வைத்தோம்...

பின் எப்போது இவர்கள் தமிழர்கள் இல்லையென்று நாங்கள் முடிவு செய்கிறோம்..? என்றால்..

ஈழத்தில் இனமழிந்த கொண்டிருந்த போது..
"போர் என்றால் மக்கள் சாகத்தான் செய்வார்கள் என்று சொன்ன போது..
இனத்திற்காய் குடும்பத்தை இழந்தவரின் புகைப்படம்  பத்திரிக்கையில் வெளியானதற்கு பக்கத்தில் குடும்பத்திற்காக
பதவி கேட்ட படம் வந்தபொழுது..

இசைப்பிரியாவுக்காக இரங்காத மனம்..
கனிமொழிக்காக கதறியபோது..

முகலிவாக்கத்தில் விபத்தில் இறந்த ஆந்திர தொழிலாளர்களை அரவணைத்த கரங்கள்..
ஆந்திர காடுகளில் இருபது தமிழர்கள் சுடப்பட்டதை கண்டு தள்ளிநின்ற போது..

கட்சத்தீவை தாரைவார்த்து.. காவிரியை பறிகொடுத்து..
மீனவனை சுடகொடுத்து..
எல்லாவற்றிற்கும் கடிதம் மட்டுமே எழுதி கொண்டிருந்தபோது..

ஊழல் வழக்கிலிருந்து விடுதலை வாங்கும் அதிகாரம் மிக்கவர்களான இவர்களால் ஜல்லிக்கட்டுக்கு அனுமதி வாங்க முடியவில்லை என்றபோது..

மீத்தேன், கெய்ல் , கூடங்குளம், நியுட்ரினோ, அந்நிய நேரடி முதலீடு என அனைத்தையும் அனுமதித்தபோது..

கிரானைட் கொள்ளை, தாதுமணல் கொள்ளை , அரசுத்துறையில்ஊழல் என அவற்றை தடுக்க தவறியதோடு அவர்களோடு இணைந்து என் மண்ணை சுரண்டி தின்றபோது..

கூட்டணிக்கு பேரம், மந்திரி பதவிக்கு பேரம், ஊழல் வழக்குகளிலிருந்து விடுதலையாக பேரம் பேச முடிந்த இவர்களால்  அந்த அதிகார வலிமையின் நூற்றில் ஒரு பங்கு கூட எம்மண்ணின் உரிமையை மீட்க பயன்படுத்தவில்லை எனும்போது..

ஒரு அடி ஆற்றுமணல் வளர நூறு ஆண்டுகள் ஆகிறது.. பக்கத்திலிருக்கும் ஆந்திரா, கர்நாடாக கேரளாவிலிருந்து ஒரு பிடி மண்ணைக்கூட தமிழகத்தின் உள்ளே கொண்டுவர முடியாதபோது..

இங்கே இருக்கும் தமிழக ஆற்று மணல்களை அரபுநாடுகளுக்கும், அண்டை மாநிலங்களுக்கும் கடத்தப்படும்போது..

இந்த மண்ணைக்காக்க கூட ஏன் இவர்களுக்கு அக்கறை இல்லை என்று சிந்தித்தபோதுதான் இவர்கள் இம்ண்ணை சார்ந்தவர்கள் அல்ல என்ற முடிவுக்கு நாங்கள் வந்தோம்

தேர்தல் சமயத்தில் சிந்திக்க வைக்கும் கருத்துக்கள் மேலே சொல்லப்பட்டவை.

அரசியல் கட்சிகள்
வழங்கும்
அன்பளிப்பு,
இலவசத்தை தவிர்ப்போம்.

வாக்குக்கு வழங்கும் பணத்தை வாங்க மறுப்போம்.

பணநாயகம் ஒழிப்போம்.
ஜனநாயகம் காப்போம்.

சிந்தித்து செயல்படுவோம்.
சரியான வேட்பாளருக்கு வாக்களிப்போம்.

தமிழ்நாட்டில் ஒரு மாற்றம்
காண ஒரு சிறு முயற்சியாவது  செய்வோம்.

இயன்றவரை இந்த பதிப்பை பரப்புங்கள்.